Ofbeldi

Annað hvort eru Íslendingar búnir að fremja eitthvert afbrot sem þjóðin er ábyrg fyrir og verður að gjalda fyrir, eða ekki. Ef hið fyrra er tilfellið, sem enginn hérlendur vill kannast við, þá eigum auðvitað að taka út okkar refsingu og borga.

Ef við höfum ekki framið neinn glæp þá getum við ekki í hræðslu við kúgunarvald Breta, ESB og AGS sætt okkur við að gjalda fyrir hann. Það hlýtur OG VERÐUR að vera eðlileg krafa í samskiptum ríkja að ef ágreiningur er uppi þá megi setja hann í dóm. Ekki má láta líðast að sterkari aðilar kúgi þá veikari. Ef hinir sterkari vilja kúga okkur þá verðum við að berjast á móti með þeim ráðum sem við höfum þótt það kosti harðræði. Ekki mun undirgefni undir kúgun kosta minna harðræði.

Fáum úr þessu skorið fyrir dómstólum.

Svo getur vissulega verið að við höfum þegar samið af okkur og gefist upp. Þessi samningur sé formsatriði því þegar hafi verið gerð mistök í samskiptum við gangaðilana.

Ríkisstjórnin nú (og líka þær tvær síðustu) verða að upplýsa í hverju glæpur okkar er fólginn eða í hverju mistök okkar eru fólgin sem gera það að verkum að við höfum engan annan kost en að láta kúga okkur.

Þar til þetta er upplýst er þessi undirskrift óskiljanleg.

Icesave-samningur gerður

Ísland minnir á sig

Landið heldur upp á eins árs afmæli suðurlandsskjálftans með afmælisskjálfta.

Eða var þetta landvættartarfurinn að hrista sig í hneykslun yfir ESB tillögunnni?

Jörð skalf við Grindavík

Illa farið með þjóðina

Versti kostur af mörgum vondum

Þjóðarsamstaðan rofin – stéttskipt þjóðfélag – ákall til stjórnmálamanna

Bensínið aldrei dýrara

Menn draga mismunandi ályktanir - Kímnisaga

 

Sherlock Holmes and Dr Watson go on a camping trip.  After a good dinner and a bottle of wine, they retire for the night, and go to sleep.

Some hours later, Holmes wakes up and nudges his faithful friend. “Watson, look up at the sky and tell me what you see.”

“I see millions and millions of stars, Holmes” replies Watson.

“And what do you deduce from that?”

Watson ponders for a minute.  “Well, 

	Astronomically, it tells me that there are millions of galaxies and potentially billions of planets.
	Astrologically, I observe that Saturn is in Leo.
	Horologically, I deduce that the time is approximately a quarter past three.
	Meteorologically, I suspect that we will have a beautiful day tomorrow.
	Theologically, I can see that God is all powerful, and that we are a small and insignificant part of the universe.

But what does it tell you, Holmes?”

Holmes is silent for a moment.  

“Watson, you idiot!” he says.  “Someone has stolen our tent!”

Versti kostur af mörgum vondum

Vissulega eigum við einungis mismunandi slæma kosti. Þessi sem Steingrímur tók er mjög slæmur. Hann veldur 2,7+8 milljarða kostnaði hjá heimilum landsins en fær bara 2,7 til sín en fjármagnseigendur fá 8.

Þessir 8 milljarðar eru vaxtaberandi til framtíðar.

Betra hefði verið að gera 10,7 milljarða upptæka hjá heimilunum. Það hefði gefið meira í ríkissjóð. Heimilin finna jafn mikið til.

Svo má ekki gleyma því að þessir 2,7 milljarðar koma af neyslufé almennings sem einnig þarf að nota í aðrar vörur og til að borga af lánum. Almenningur eyðir þá minna í annað og þar koma þá minni neysluskattar. Þetta er því algjörlega að pissa í skóna og mjög slæmur kostur af mörgum slæmum.

Þjóðarsamstaðan rofin – stéttskipt þjóðfélag – ákall til stjórnmálamanna

Aðvörun til lesanda: þetta er ekki skemmtilesning 

Íslendingar hafa gegnum tíðina iðulega staðið saman á heildina litið og tekist á við ytri áföll með samstöðu. Byrðunum hefur verð dreift. Nú hefur þessi samstaða verið rofin og eins konar stéttaskipting innleidd. Stéttaskipting sem ræðst að miklu leyti af því hvar í skuldasögu lífsins fólk er statt.

Hin nýja stéttaskipting eða flokkadrættir á Íslandi

0 flokkur:        Útrásarvíkingar og ýmsir njótendur kúlulána.Fámennur hópur sem eignaðist nánast allt sem unnt var að komast yfir á Íslandi. Töpuðu miklu og eru ekki borgunarmenn fyrir skuldunum sem þá er velt yfir á aðra (þ.e.a.s. fólk í 4 flokki) til að borga. Sitja enn að miklu illa fengnu fé

1 flokkur:        Þeir sem áttu sparifé í bönkum og litlar sem engar skuldir.Fólk sem átti inneignir í bönkum landsins. Bæði fólk sem hefur unnið fyrir sínu með þrautseigju og hyggjuviti, en einnig fólk í flokki 0 (hæstu upphæðirnar). Tapaði öllu sparifé sínu í bönkunum, en var það að fullu bætt með aðstoð ríkisins. Hefur ofan á björgunina notið hárra vaxta og verðbóta sem greiddar eru af fólki í 4. flokki. Skaði þessa fólks verður lítill takist þeim að fá 4. flokks fólkið til að borga og bera skuldirnar.

2 flokkur:        Þeir sem ekki hafa átt eignir eða skuldir að neinu verulegu marki.Í þessum flokki eigna- og skuldlítið fólk, t.d. námsmenn sem ekki eru farnir af stað sem fullir þátttakendur í efnahagslífinu. Skaði þessa fólks er lítill nema vegna niðurskurðar í mennta- og félagslega kerfinu.

3 flokkur:        Þeir sem áttu sparifé í húsnæði en litlar sem engar skuldirFólk sem átti sparifé sitt í húsnæði en lítið fé í bönkum. Húsnæðið yfirleitt keypt fyrir hækkunarskeið og skuldsetning því lítil. Skaði þessa fólks er lítill, nema vegna lækkunar á verðmati húsnæðisins.

4 flokkur:        Fólk  sem átti sparifé sitt að mestu í húsnæði og miklar skuldir. Ungt fólk með stækkandi fjölskyldur sem keypti dýrt (en ekki endilega stórt) húsnæði með miklum lánum á síðustu árum. Þetta er um þriðjungur þjóðarinnar og stór hluti mest virka fólksins á atvinnumarkaði. Til að endur fjármagna skuldir 0. og 1. flokks fólksins og vexti og verðbætur ofan á þá endurfjármögnun eru eignir þessa fólks gerðar upptækar með skyndihækkun höfuðstóls með gengislækkun og verðbótum. Skaði þessa fólks er algjör eignamissir og skuldaklafi sem ekki sér fyrir endann á út lífið. Einungis skuldir hægt að skilja eftir handa afkomendum þrátt fyrir ævilangt strit við að borga af skuldunum.

5 flokkur:        Atvinnulaust fólk, yfirleitt úr öðrum, þriðja eða fjórða flokki.Hinn almenni launamaður sem var e.t.v. í litlum fjárfestingum og skuldaði lítið, í leigðu eða skuldlitlu húsnæði eða svo óheppinn að vera meðal þeirra sem voru á því æviskeiði að vera að byggja upp fjölskyldu og eignir.

Ólíkt hafast þeir að

Stéttaskiptingin er skír. Efistu tveir flokkarnir eiga, ráða og njóta. Næstu tveir flokkar fá að vera með. Neðstu tveir flokkarnir skulda, borga og reyna að komast undan eftir bestu getu. Gapið milli þeirra og hinna er mikið og loft er lævi blandið. Reiðin kraumar. Þjóðarsamstaðan er rofin.

0. flokkur (Hinir fengsælu) koma þjóðinni á kaldan klaka en lifir enn í góðu yfirlæti.

1. flokkur (Verðbótabændur) fékk allan sinn skaða bættan að fullu og lítur niður á hina lægri settu sem eru núna að borga þeim gífurlega áhættulausa ávöxtun ofan á bótaféð. Meðan svo er þarf ekki að taka þátt í áhættusömu atvinnulífi heldur er betra að bíða brunaútsölu á eignum 4. flokks.

2. flokkur (Hinir örvingluðu) er tvístígandi yfir því þjóðfélagi sem blasir við í framtíðinni og líst mörgum illa á þá sýn sem við blasir.

3. flokkur (Hinir hæglátu) vill hafa sig hægan og telur sér borgið í þessum ólgusjó. Er samt uggandi um framtíðina.

4. flokkur (Öreigarnir) er búinn að vera fjárhagslega og æpir á réttlátari dreifingu byrðanna en mætir mikilli andstöðu frá 1. flokki sem nýtur góða af blessaðri kreppunni. Bylting, greiðsluverkfall, þjóðfélagsleg andstaða eða flótti úr landi er í umræðunni hjá 4. flokki.

5. flokkur (Flóttafólkið) er nýr og lamaður í örvæntingu og reynir að flýja land til að fá atvinnu.

Hvað um afstöðu stjórnmálaflokkanna?

Sjálfstæðisflokkur hefur yfirleitt sótt fylgi sitt til 4 flokks fólksins (sjálfseignarstefnan) auk 0 og 1 flokks (stétt með stétt). Nú er verið að gereyða 4 flokki og þar með einnig trúverðugleika sjálfseignarstefnunnar. Sjálfstæðisflokkurinn virðist hafa fórnað (gleymt) hagsmunum 4 flokks fyrir hagsmuni 0 og 1 flokks.

Samfylking hefur sótt fylgi til allra flokka, en e.t.v. síst til 1 og 4 flokks. Miklir talsmenn árangurs 0 flokks fyrir október 2008. Núna setur Samfylkingin allt sitt traust á 1, 2 og 3 flokk á kostnað 4 flokks.

Vinstri-grænir sóttu fylgi sitt að miklu leyti til fólks sem nú er í  2, 3 og 5 flokks (sem fer ört vaxandi). Hafa ekki verið mikið fyrir 1 flokk (að ekki sé talað um 0 flokk) og hafa lítið fengið frá 4 flokki þar til e.t.v. í síðustu kosningum. Mörgu VG fólki blöskrar hvernig komið er fyrir 4 flokki ásamt 5 flokki. Samt er skilningur fjármálaráðherra ekki meiri en svo að hann telur sig geta krækt í 2,7 milljarða með því að leggja á heimilin 2,7+8 milljarða aukagjöld. 

Framsóknarmenn sóttu fylgi sitt til flokka 1-4 (lítið fylgi hefur verið að sækja til 0 og 5 flokks vegna fámennis í þessum flokkum þótt 5. flokkur fari nú ört vaxandi). Í síðustu kosningum sóttu framsóknarmenn sérstaklega fylgi í raðir 4. flokks með því að gerast talsmenn þeirra. Framsóknarmenn eru mikið bendlaðir við fólk í 0. flokki.

Heimilin og einstaklingar í 4. flokki eru mikilvægustu kjölfestufjárfestar landsins

4. flokkur, þ.e.a.s. ungt fólk sem er að byggja sig upp, þátttakendur á atvinnumarkaði og stórneytendur (þ.e.a.s. halda uppi veltu í þjóðfélaginu). Þetta er í raun kjölfesta atvinnulífsins og þar með þjóðarinnar. Þetta er kjölfestan og undirstaðan í fjárfestingahópi landsins. Fólk sem fjárfestir í húsnæði er að fjárfesta til langs tíma og leggja hornstein í samfélagsuppbygginguna. Þetta eru mikilvægustu fjárfestar landsins. Missi þetta fólk trúna á samfélagið og fari þetta fólk af landi brott í einhverju magni er ljóst að þjóðfélagsgerðin breytist og veikist mikið. Fólkið í 5. flokki geldur fyrir eyðileggingu 4. flokks og að lökum þjóðin öll. Einnig er ljóst að með því að fækka mjög í hópi þeirra sem eiga sitt eigið húsnæði (sjálfseignarstefnan) er verið að draga mjög úr stöðugleika íbúabyggðar í landinu.  Ath. að fólk í 4. flokki vinnur af krafti og aflar tekna eins og það mögulega getur. Ef mesti og stóraukinn hluti þessara tekna á að fara í að hygla 1. flokki og borga skuldir 0.flokks, þá getur þetta fólk ekki haldið uppi fjárfestingum og neyslu í þjóðfélaginu. Þar með lækkar atvinnustig (fólki í 5. flokki fjölgar) og efnahagslífi þjóðarinnar blæðir út.   Hyglun fólks í 1. flokki á kostnað þeirra í 4. flokki felst í mjög ójafnri dreifingu byrðanna sem á þjóðina hafa fallið vegna óábyrgs framferðis 0. flokks.

Þessi hyglun dregur allan mátt úr þjóðfélaginu og eyðileggur þjóðfélagsgerðina. Þessi hyglun rýfur samfélagssáttmálann um samstöðu og samhjálp.

Þessi blygðunarlausa hyglun ásamt seinagangi við að draga fólk í 0. flokki til ábyrgðar er uppáskrift á ófrið. Innanlandsófrið í hverju formi sem hann kann að verða. Vonandi átta menn sig á villu síns vegar og dreifa byrðunum réttlátar.  Traust fjárfesta er mikilvægt til að fá fjarmagn hér til framkvæmda. Þetta er röksemd fyrir hyglun 1. flokks og eina röksemdin sem AGS sér. Traust á að sparifé í húsnæði sé varið er mikilvægt til að þeir fjárfestar sem 4. flokkur er sjái sér hag í því að fjárfesta í húsnæði hér á landi og byggja hér upp. Sé trausti 4. flokks fórnað verður allt annað traust annarra fjárfesta sem hjóm eitt. Hafi þjóðin ekki traust á eigin landi er framtíð þjóðarinnar ekki björt. Traust fjárfestanna í 4. flokki, mikilvægustu fjárfesta landsins, er fyrir borð borið.

VAKNIÐ STJÓRNMÁLAMENN!    VAKNIÐ!

Det økonomiske råd um evru í stað danskrar krónu

Det økonomiske råd í Danmörku hefur nýlega gefið út skýrslu þar sem fjallað er um upptöku evru í stað danskrar krónu. Niðurstaða þeirra er: 

"Samlet vurderer formandskabet derfor, at de økonomiske konsekvenser for Danmark ved at erstatte kronen med euroen er små, men at det er sandsynligt, at der er en beskeden økonomisk nettogevinst ved at tilslutte sig ØMU’en. Spørgsmålet om et fuldt dansk medlemskab af ØMU’en bør derfor i højere grad afgøres ud fra politiske overvejelserom, hvilken rolle Danmark bør spille i det fremtidige europæiske samarbejde, end ud fra snævert økonomiske overvejelser."

Sjá síðu 28: Vismænd: Ingen gevinst ved at skifte til euro

Sjá einnig frétt Danmarks Radio um skýrsluna: Vismænd: Ingen gevinst ved at skifte til euro

Seðlabankinn herðir eftirlit með gjaldeyrishöftum

Léleg nýting á auknum byrðum heimilanna

Heimilin fá hækkun upp á 8 milljarða sem þarf að borga vexti og verðbætur af í framtíðinni. Einnig bera þau skattinn upp á 2,7 milljarða.

Það hefði verið betra að leggja á einskiptis eignaskatt á heimilin upp á 10,7 milljarða og loka þar með yfir helmingi af því gati sem ríkistjórnin er að berjast við.

En heimilin munar væntanlega ekkert um svona sóun á fé þeirra.

Áfengi og eldsneyti hækka

Ríkið fær 2,7 milljarða ==> Skuldarar borga fjármagnseigendum auka 8 milljarða

 Heimilin eiga enga undankomuleið gegnum skjaldborgina sem ríkisstjórnin hefur slegið um þau. Öll spjót standa á heimilunum og nú er enn þrengt að. Í stað þess að lækka neysluskatta (og þar með vísitöluna og lánin) eru þeir hækkaðir og 8 milljörðum sjálfkrafa bætt við skuldrnar (sem svo þarf að borga vexti af) og jafnframt smurt ofan á verðtryggðar innstæður fjármagnseiganda (sem töpuðu þeim í október en fengu þær að fullu bættar).

Öldungis frábært!

Ríkisstjórnin hefur fullan skilning á vanda heimilanna. Sjálfseignarstefnan, þ.e.a.s. sú stefna að fólk eigi sitt eigið húsnæði skal upprætt. Þá verður ekki lengur til sjálfstætt fólk. Þá þarf ekki heldur sjálfstæða þjóð.

Öreigarnir allir jafnir. Hinir ríku ríkari.

Það hefði verið heiðarlegra og skilvirkara að leggja 8 milljarða skatt á skuldara sem færu beint í ríkissjóð.

Ríkið fær 2,7 milljarða - lánin hækka um 8 milljarða

Greinilega frétt um tækni og vísindi

Þessi dálkur (Tækni og vísindi) á mbl.is er sjaldan uppfærður og fréttirnar oft ekki merkilegar. Ég vil hvetja mbl til að gera þessum dálki hærra undir höfði og setja hér inn mun fleiri fréttir, helst svona 3-4 á dag. Af nógu er að taka og algjör óþarfi að taka efni sem frekar ætti heima undir dálkinum Fólkið og setja hér.

Klámmyndir settar á YouTube