Nokkrir hlekkir á AGS upplýsingar varðandi Ísland

Letter of intent Nov. 15th 2008 (beiðnin um hjálp og yfirlýsing um betrun og skuldbundin markmið)

Staff report Nov. 25th 2008(yfirlit, Letter of Intent aftur, tæknileg skýrslao.fl)

Staff report Dec. 8th 2008 (uppfært yfirlit - síðasta Article IV Consultation, en þær reglubundnu skýrslur skipta máli t.d. varðandi endurskoðun á IceSave samninginum)

Iceland and the IMF

Skrifstofa AGS á Íslandi

Athugasemdir

[Jakobína Ingunn Ólafsdóttir, 3.9.2009 kl. 01:37]

Takk fyrir þetta Þorsteinn Helgi

Þrælaði mér í gegn um þetta í haust í leit af samningnum við AGS sem sagt var að væri opinber og birtur á heimasíðu AGS og seðlabankans.

Hef aldrei fundið þennan samning. Það er kominn tíma á að gerð verði krafa um að innihald hans verði birt.

[Þorsteinn Helgi Steinarsson, 3.9.2009 kl. 01:55]

Ekki veit ég hvað er til af leyniskjölum. Hins vegar er LOI og tæknilega viðhengið í nóvember skýrslunni ágætis viðmið sem eru opinber og má því herma upp á AGS og ríkisstjórnina.

Ég hef kosið að taka þann pól í hæðina að taka mennina á orðinu og vinna út frá því. Í des skýrslunni segja þeir m.a.:

"The above vulnerabilities [þ.e.a.s. skuldastaða heimila og fyrirtækja] may, in turn, negatively affect banks’ balance sheets, triggering a confidence shock that could prompt a new round of króna depreciation. This could lead to further deleterious (and potentially non-linear) effects on domestic asset prices and private sector balance sheets, with correspondingly large impact on consumption and investment. Corporate vulnerabilities could be especially important given the complex links between Iceland’s non-financial corporations and banks.”

M.ö.o. þá er AGS að verja krónuna til að koma í veg fyrir frekari áföll heimila og fyrirtækja. Það er því hagur heimila og fyrirtækja sem AGS ber fyrir brjósti. Allar aðgerðir sem laga þá stöðu hjálpar því AGS að því gefnu að aðgerðirnar veiki ekki aðra þætti (t.d. skuldir ríkisins) og virki því öfugt við tilgang sinn.

Það þarf að grípa til aðgerða sem draga úr líkum á confidence shock.

Ég veit að margir eru alfarið á móti AGS og trúa einungis hinu versta upp á þá í besta samsærisstíl. Ég er ekki einn af þeim þótt ég hafi verið og sé vissulega gagnrýninn á það sem AGS hefur gert. Hafa verður í huga að hagfræðin er ekki nákvæm læknisfræði og því auðvelt að gera mistök. Þau má túlka sem ætlunarverk vondra manna ef menn vilja, en e.t.v. eru þau einfaldlega mistök manna sem ekki eru alvitrir.

[Björg F (IP-tala skráð) 3.9.2009 kl. 07:10]

Það er skrítið þegar þeir notast alltaf við sömu hagfræðina aftur og aftur og hún hefur aldrei virkað...

Veistu um eitthvað land þar sem háir stýrivextir hafa hjálpað? Og ég tala nú ekki um í okkar þjóðfélagi þar sem þessir háu stýrivextir leiða til þess að við þurfum að borga háa vexti í ERLENDRI mynt á krónubréfin vegna þess að þeir eru strax teknir úr landi..

Af hverju er ekki búið að upplýsa það hverjir eiga þessi krónubréf sem halda öllu í gíslingu hér? 

[Þorsteinn Helgi Steinarsson, 3.9.2009 kl. 08:00]

Stýrivextirnir virkuðu ekki hér á landi í aðdraganda hrunsins aðallega vegna aðgengis að 'erlendum' lánum.

Ég er á því að auka þurfi á stjórntæki og úrræði Seðlabankans til að stýra og hafa áhrif á útlán. T.d. með beinni álagningu SÍ á vexti, þ.e.a.s. vaxtaálag á öll ný útlán SÍ. Ef SÍ er með stjórntæki sem virka og virka strax þá þarf hann síður að vera að ofbeita og yfirbeita þeim óbeinu og lélegu stjórntækjum sem hann hefur yfir að ráða núna.

Hitt er svo annað mál og undarlegt að SÍ virðist ekki hafa notað neitt annað stjórntæki en stýrivexti undanfarin ár. Jafnvel má segja að hann hafi með beitingu annarra stjórntækja sinna (t.d. bindiskyldu) unnið gegn aðalstýritæki sínu og því orðið að ofbeita því og þó ekki náð árangri.

Íslenska krónan hefur orðið slæmt orð á sér vegna ómarkvissra aðgerða SÍ. Íslensku krónan er eins og lítill hraðbátur en aðrir gjaldmiðlar eins og stór olíuskip. Það henta ekki sömu stjórntæki fyrir þessar fleytur.

[Gullvagninn (IP-tala skráð) 4.9.2009 kl. 10:28]

“American leadership is good for America and for the world.”

Það vantar alltaf góða kommisara i nýja sovétið.  Þeir þurfa bara að vera góðir í að trúa og tileinka sér nýjustu línunurnar frá politbúrú.  En þú verður að láta af þessari andstöðu við ESB ef þú vilt sækja um, andstaða við ESB er bara aðgöngumiði að núju gúlöggunum og geðveikrahælunum.