Kostaboð

Feel like a banker. Support your own representative on Forbes 500, the most exclusive club ever!

Ríkistjórn Íslands kynnir einstakt tækifæri sem einungis hefur náðst eftir mikla og erfiða samninga við Breta og Hollendinga. Þetta er einstakt tækifæri, eða eins og Bretar segja: Once in a lifetime.

Fyrir einungis 3 milljóna skuldbindingu býðst Íslendingum núna einstakt tækifæri til að styrkja sinn frambjóðanda inn á Forbes 500 listann.  Þetta skiptir miklu máli fyrir Íslendinga enda náðum við ekki manni inn á Öryggisráðslistann. Athugið: engin útborgun og fyrstu greiðslur einungis eftir 7 ár!

Það fylgja þessu ýmis fríðindi ... fyrir þá sem komast á listann. Munum Magna. Þetta er líka frábær landkynning fyrir Íslendinga.

Miðinn er jafnframt lottómiði sem gefur heppnum kaupendum kost á því að fá upphæðina (næstum alla) endurgreidda.

Koma svo Íslendingar. Kaupið miða. Einungis 3 milljónir á mannsbarn.

 ---

P.S. ef menn sjá fram á að ekki er unnt að borga lánið, þá hafa menn 7 ár til að koma sér úr landi og borga þá ekki neitt. Þú getur ekki tapað! Þetta er tilboð sem þú getur ekki hafnað!

Svona kjör hafa hingað til einungis boðist háttsettum bankamönnum. Nú hefur þú þetta einstaka tækifæri til að vera með.

Mín fjölskylda kaupir 15 milljóna stuðningsmiða fyrir veru Íslendinga inni á Forbes 500 listanum. Börnin mín eru farin að skilja að afleiðusamningar eru ekki sama og samningar með afleiðingar. We already feel like bankers! It's great!

Áfram Ísland!

Útlánin eiga að greiða Icesave

Athugasemdir

[DanTh, 9.6.2009 kl. 08:38]

Flott færsla hjá þér....

[Haraldur Baldursson, 9.6.2009 kl. 10:11]

Þegar 10% af útflutningstekjum fer í vaxtagreiðslur, má á nokkuð léttan máta segja NEI TAKK ! Nú er tíminn til að berjast gegn þessum gjörningi og senda pósta, SMS, sniglapóst, símskeyti,..... á þingmenn....meiri upplýsingar hér. Látum í okkur heyra. Látum þetta ekki sleppa framhjá okkur því stærra mál verður tæplega á dagskrá fyrr en ESB aðildarbullið dynur á okkur.

[Þorsteinn Helgi Steinarsson, 9.6.2009 kl. 10:26]

Næstu stóru mál eru gjaldþrot heimilanna, fólksflótti og svo viðbótarkröfurnar um 100% greiðslur og leiðréttingu á mismunun kröfuhafa upp á þúsundir milljarða.

Sjá til upplýsingar um málssóknir í Hollandi: http://lillagud.blog.is/blog/lillagr ud/entry/892310/#comments

[Haraldur Hansson, 9.6.2009 kl. 10:39]

Ótrúlegt hvað neyðarlögin hafa fengið lítið pláss í umræðunni. Það veit enginn með vissu hvort það standist fyrir dómi að breyta röð kröfuhafa. Það má ganga út frá því að einhver láti á það reyna.

Linkurinn í athugasemdinni virkar ekki, en síðan er hér.

[Haraldur Baldursson, 9.6.2009 kl. 10:41]

Fróðlegt þætti mér að vita hver röðin hefði verið án neyðarlaganna. Ég myndi ætla að innistæður (allra..líka Icesave og Edge) væru ansi framarlega.