Ofverndun

Á ekki að banna ferðir í hamrabelti Esju? Eða girða meðfram bjargbrúnum á Hornströndum? Hvað með að girða meðfram öllum helstu umferðaræðum?

Eru menn ekki að taka sjálfa sig einum of alvarlega og fara offari?

Hraunkanturinn er mismunandi hár og brattur og því mismunandi hættulegt að nálgast hann. Helstu hættur eru gufusprengingar þar sem þegar sýður í snjó undir hrauni eða hrun úr háum hraunkanti. Einnig gas í giljum. Nú eða þá að Katla fari af stað með sprengigosi. Svo er það auðvitað kuldinn.

Ég var sjálfur þarna á laugardagsmorgun og sá engan fara sér að voða eða koma sér í of mikla hættu. Sá hins vegar að björgunarsveitarmenn voru í 100-200 metra fjarlægð inni í sínum fjallajeppum og hefur e.t.v. þaðan sýnst fólk vera of nálægt. Fann enga lykt af gosinu (vægan keim reyndar á einum stað) en aðal mengunin stafaði af vélsleðum og dísil bílum.

 

Hraunið verður afgirt

Athugasemdir

[Sigurður Haraldsson, 31.3.2010 kl. 13:06]

Þarna er hætta á ferðum mikill hiti og sprengihætta, það er of seint að birgja brunnin þegar barnið er dottið ofaní.