Hagsmunagæslan keyrir gengið niður

Ég hef tvennt um þessa frétt að segja:

1)

Svo virðist sem hagsmunir bankanna séu þeir að halda genginu lágu. Það eru einnig hagsmunir útflutningsatvinnugreina og erlendra lánadrottna (sem vilja fá viðskiptaafganginn okkar í vaxtagreiðslur).

Meðan þetta er staðan mun gengið þá nokkuð lagast? Ekki fer Seðlabanki og ríkisstjórnin að setja hag heimilanna og annarra þeirra sem skulda í erlendum myntum ofar þessum hagsmunum.

Það væri heiðarlegt af stjórnvöldum að gefa út með rökstuðningi hver er raunveruleg stefna þeirra og væntingar varðandi gengisþróun þannig að skuldarar geti tekið aðeins upplýstari ákvarðanir.

Hingað til hafa allar aðgerðir stjórnvalda og hagsmunagæsla miðað við að endurreisa bankana á kostnað heimilanna. Og sbr. fréttina liggja ástæðurnar ljósar fyrir. Bankarnir eru ennþá í stöðutöku gegn krónunni og nú með stuðningi stjórnvalda og Seðlabanka.

2)

Annars vegar höfum við þetta:

"Vandamálið stafar af því að stór hluti af eignum bankanna er í erlendri mynt en skuldir þeirra eru í krónum. Það skapar misvægi."

og svo höfum við þetta:

"Samkvæmt yfirliti [Seðla]bankans bíða en jöklabréf að andvirði 142,7 milljarða króna í kerfinu." http://www.vb.is/frett/1/53433/

(þ.e.a.s. eignir jöklabréfahafa eru í íslenskum krónum en þeir vilja erlenda mynt)

Virðist vera eitthvað sem ætti að vera unnt að leysa saman.

Hvers vegna er það ekki gert? Nú eru liðnir 7 mánuðir frá falli bankanna.

Gjaldeyrismisvægi gæti eytt eigin fé bankanna

Athugasemdir

[Tryggvi Þórarinsson, 7.5.2009 kl. 09:25]

Mjög athyglisvert.

[Marinó G. Njálsson, 7.5.2009 kl. 11:18]

Ég fjalla einmitt um þessa týndu frétt á blogginu mínu:

Lög nr. 38/2001 gætu bjargað gjaldeyrismisvægi bankanna

[Jakobína Ingunn Ólafsdóttir, 7.5.2009 kl. 13:27]

Tek undir það þetta er athyglisvert. Jöklabréfaeigendur hafa verið að kaupa ríkisskuldabréf fyrir endurgreiðslu á höfuðstól vegna þess að þeir geta ekki fært fjármunina úr landi vegna gjaldeyrishafta.

Ergo jöklabréfaeigendur eru að fjármagna ríkissjóð eins og stendur.

[Páll A. Þorgeirsson (IP-tala skráð) 7.5.2009 kl. 13:39]

Takk fyrir þessa grein.

Tek undir að þessi frétt er mjög athyglisverð.  Fólk fær orðið "blauta" tusku í andlitið dag eftir dag. 

[Arinbjörn Kúld, 7.5.2009 kl. 22:05]

Við erum sem sagt enn þá afar mikið "fucked" ef mér leyfist að orða það þannig?